Kryetari i GLP-së dënohet për shkeljen e sekretit zyrtar

Gjykata me këtë rast ka ardhur në përfundimin se Bäumle është dashur të ketë ditur se dokumente të tilla kanë karakter të sekretit zyrtar.

Kryetarit të Partisë së Gjelbër Liberale të Zvicrës (GLP) Martin Bäumle i është shqiptuar sot nga Gjykata e Qarkut në Uster (Kantoni i Cyrihut) një dënim me kusht me para për shkelje të detyrimit të mbrojtjes së fshehtësisë zyrtare.

Baümle si pjesë e ekzekutivit të qytetit Dübendorf që është në qarkun e Usterit, i ka ofruar një gazetari të dhëna të besueshme që flasin për gjendjen financiare të një ndërmarrësi ndërtimtarie lidhur me një shitje toke. Kjo ka ndodhur në vitin 2011 kur politikani i gjelbër liberal i ka dhënë redaktorit të gazetës “Anzeiger von Uster” kopjet nga regjistri i përmbarimit për ndërtimtarin e përmendur, transmeton albinfo.ch. Fjala ishte për planin e kontestuar të ngritjes së një ndërtese të lartë 114 metra

Gjykata me këtë rast ka ardhur në përfundimin se Bäumle është dashur të ketë ditur se dokumente të tilla kanë karakter të sekretit zyrtar. Veç kësaj, nga ato dokumente nuk nxirren përfundime lidhur me aftësinë paguese të personit që pretendonte të blinte tokën.

Por politikani i lartë ka thënë para gjyqit se nuk ka bërë asgjë të paligjshme. Ai ka deklaruar për mediat se do ta ndjekë më tutje lëndën.