Shkurt.ch

Për TV dhe radio do të paguajnë të gjithë

E enjte, 17 Mars 2011 - 12:13 albinfo.ch

Dhoma e kantoneve e Parlamentit Nacional ka vendosur që të gjitha ekonomitë familjare (njësitë e banimit) të obligohen që në të ardhmen të paguajnë kuotën mujore për radio dhe televizion. Aktualisht, këtë pagesë e bëjnë vetëm ata që kanë një aparat televiziv ose radiofonik, njofton drs.ch. Mirëpo, siç konsideron Parlamenti i Zvicrës dhe Qeveria e saj, ky kriter nuk i përshtate kohës në të cilën po jetojmë.

Sot, përmes telefonave celularë dhe kompjuterëve praktikisht çdo njeri ka qasje në radio dhe në televizion, argumentojnë institucionet e përmendura më lartë. Përjashtim nga detyrimi për të paguar bëjnë ndërmarrjet e vogla.