Përplasen dy aeroplanë ushtarakë zviceranë, shpëtojnë pilotët

Njëri nga aeroplanët me këtë rast është rrëzuar por për fat piloti përmes katapultit ka lëshuar aeroplanin dhe ka shpëtuar, duke marrë vetëm lëndime të lehta

Dy aeroplanë ushtarakë F5-Tiger të Patrouille Suisse janë përplasur njëri me tjetrin në një stërvitje për paradë avionësh në aeroportin ushtarak Leeuwarden të Holandës, shkruan srf.ch. Njëri nga aeroplanët me këtë rast është rrëzuar por për fat piloti përmes ulëseskatapult ka lëshuar aeroplanin dhe ka shpëtuar, duke marrë vetëm lëndime të lehta me rastin e rënies në tokë me parashutë. Aeroplani ka rënë në një kënetë, transmeton albinfo.ch

Shkaqet e përplasjes janë ende të panjohura informon Departamenti Federal i Mbrojtjes në Bernë (VBS).

Para kësaj, mediat holandeze kishin njoftuar për një rrëzim aeroplani gjatë një fluturimi trajnues për një paradë fluturakësh që do të mbahet në Leeuwarden të premten dhe të shtunën.