Unia kërkon që Zvicra të bëjë më shumë për refugjatët

Autoritetet zvicerane duhet të angazhohen në mënyrë konkrete për krijimin e rrugëve të sigurta për kalimin e refugjatëve. Ata i janë bashkuar peticionit për pranimin e 50.000 refugjatëve nga Zvicra Ata njëkohësisht kanë mbështetur një peticion i cili kërkon nga Zvicra që të strehojë përnjëherë 50 mijë refugjatë

Sindikata më e madhe zvicerane, Unia, ka mbajtur të shtunën një konferencë për migracionin. Nga konferenca janë dëgjuar mjaft tone kritike në drejtim të autoriteteve shtetërore, sidomos atyre që kanë të bëjnë me politikën e azilit dhe atë për të huajt.

Autoritetet zvicerane duhet të angazhohen në mënyrë konkrete për krijimin e rrugëve të sigurta për kalimin e refugjatëve. Po ashtu duhet që Zvicra zyrtare të punojë më shumë për realizimin e programeve të strehimit për refugjatë, kanë apeluar delegatët e konferencës.

Ata njëkohësisht kanë mbështetur një peticion i cili kërkon nga Zvicra që të strehojë përnjëherë 50 mijë refugjatë, transmeton albinfo.ch. Por, gjithnjë sipas kërkesave të delegatëve të Unia-s, Zvicra nuk guxon të marrë pjesë në marrëveshjet ndërkombëtare të cilat shkojnë në dëm të refugjatëve, thuhet veç tjerash në një komunikatë nga konferenca. Marrëveshje të tillë delegatët e konsiderojnë atë të nënshkruar në mes të BE-së dhe Turqisë për t`i mbajtur refugjatët larg kufijve të BE-së. Diçka e tillë është cinike sipas Unia-s.