Policët plagosin kosovarin e dyshuar për vjedhje

Policët kanë qëlluar drejt tij ndërsa ai ka provuar të ikë me makinën e vet. Por, duke qenë se kishte marrë plagë, ai ishte paraqitur në spital për trajtim, ku më vonë është arrestuar

Në mbrëmjen e të premtes, më 13 maj shoferi i një makine përpiqet të shmangë kontrollin policor duke iu kundërvënë policëve. Si kundërpërgjigje, policët kanë qëlluar drejt tij ndërsa ai ka provuar të ikë me makinën e vet. Por, duke qenë se kishte marrë plagë, ai ishte paraqitur në spital për trajtim, ku më vonë është arrestuar, shkruan sda.ch.

Personi në fjalë ishte një kosovar 36 vjeçar, i cili më herët ishte parë me maskë në fytyrë tek ngiste makinën në një lagje të qytetit të Cyrihut, transmeton albinfo.ch. Pasi që një grua e kishte alarmuar për atë që kishte parë, policia  ishte vënë pas personit të dyshuar. Ajo kishte ndaluar një makinë që i përgjigjej pothuaj në tërësi përshkrimit të makinës me personin e dyshuar. Ngasësi i makinës pastaj kishte ikur dhe më vonë ishte shtruar në një  spital të Kantonit Thurgau, për të trajtuar plagët e marra nga policia.

Shumë shpejt vërtetohet se bëhej fjalë për të ikurin e përmendur. Kosovari 36 vjeçar është arrestuar nga policia e Kantonit Thurgau dhe dyshohet për vjedhje. Pas lëshimit nga spitali, ai do t`i dorëzohet prokurorisë përgjegjëse.