Policia gjen 8 kilogramë heroinë në një valixhe

Policia ka konfiskuar të dielën në Aeroportin e Cyrihut një sasi të madhe të drogës së llojit të heroinës. Tetë kilogramë heroinë janë gjetur në valixhen e dy personave që kishin ardhur nga Abu Dabi dhe po udhëtonin drejt Amsterdamit (Holandë) njofton srf.ch.

Dyshimi për trafik droge u ka lindur policëve gjatë kontrollimit rutinor të bagazhit, ndërsa droga gjendej në valixhen tashmë të dorëzuar të njërit prej personave.

Droga e konfiskuar është dërguar në institutin e foresikës për kontrollim. Dy meshkujt e arrestuar i janë dhënë në dorëzim Prokurorisë shtetërore kompetente.