Bernë – Cyrih: Një kamion bllokon 20 km qarkullim rrugor

Përplasja spektakulare e një gjysmërimorkio ka bërë që të enjten pasdite në rrugën A1, afër Baden (AG) të bllokohet qarkullimi i rrugës deri në 20 km nga Cyrihu dhe rreth 17 km nga Berna.

Koha e pritjes në kolonat e automjeteve ka arritur 3 orë nga Wallisellen (ZH), tregon qendra për informim e rrugës VIASUISSE. Ndërsa në drejtimin tjetër, udhëtimi mori dy orë nga hyrja në Aarau.

Për fat të keq, aksidenti ka ndodhur në afërsi të tunelit Baregg, një nga pjesët më të ngarkuara të autostradës në Zvicër. Ai ndodhi rreth orës 15:50, kur kamioni me peshë të rëndë, ndërsa shkonte drejt Zyrihut, goditi dhe shpoi rezervën qendrore të sigurisë menjëherë pas daljes nga tuneli.

Punët për evakuimin e kamionit dhe rehabilitimin e qarkullimit nuk arritën të përfundonin gjatë gjithë pasditës. Kthimi në normalitet nuk u bë para mesit të natës. Policia e Aargau këshillon shoferët që t’i shmangen, nëse është e mundur, udhëtimin në këtë rajon.