Shkurt.ch

Zvicra mund t’i tërheqë shtetësinë një xhihadisti

E enjte, 12 Maj 2016 - 14:00 albinfo.ch
Sekretariati i Shtetit për Migrim (SEM) mund të tërheqë shtetësinë zvicerane për të dyshuarin xhihadist italiano-zviceran, i moshës 19 vjeç, ka bërë të ditur të mërkurën SRF-i. Ky rast do të jetë i pari në Zvicër.
I pandehuri dyshohet se i është bashkuar organizatës terroriste të shtetit  islamik në Siri. Ai ka një muaj për të marrë pozicion në lidhje me procedurën. Por, sipas raporteve të marra nga Siria që tregon televizioni zviceran SRF, i riu në fjalë tashmë ka vdekur gjatë një sulmi ajror në Kobané.
Sipas televizionit SRF, nëse Zvicra shkon në fund të procedurës, atëherë do të jetë hera e parë në më shumë se 60 vjet që kjo dispozitë e veçantë e ligjit mund të aplikohet. Në të vërtetë, pasaporta mund t’i tërhiqet çdo personi, i cili “me sjelljet e tij seriozisht dëmton interesat apo reputacionin e Zvicrës”. Kjo është një masë administrative.
Sekretariati i Shtetit për Migrim është i autorizuar të marrë vendime të tilla në përputhje me shërbimin e  informatave së Konfederatës dhe autoriteteve kantonale, nëse plotësohen disa kushte.
Policia Federal (Fedpol) atëherë mund të pengojë atë të hyjnë në vend.
Vetëm binacionalët (me dy shtetësi) janë të prekur

Ligji zviceran lejon që nga viti 1953 tërheqjen e shtetësisë atyre që gëzojnë një shtetësi të dyfishtë. Kjo mund të ndodhë prej momentit që sjellja e tyre dëmton interesat e vendit dhe me kusht që personat në fjalë nuk e gjejnë veten pa një shtetësi.

 Të tjera nga Shkurt.ch

Gjithçka që duhet të dini rreth ndryshimit të sigurimit tuaj shëndetësor zviceran në vitin 2025

 E-Diaspora

 Jeta në Austri