Sport

Xhaka i pavendosur për të ardhmen

E martë, 10 Maj 2016 - 13:09 albinfo.ch

KEYSTONE

Mesfushori nga Kosova, Granit Xhaka ka folur për të ardhmen e tij. Ai është ndër mesfushorët më të kërkuar në Evropë, megjithatë, ai ende nuk ka vendosur për të ardhmen e tij, shkruan albinfo.ch.

“Nuk është gjithçka në duart e mia. Mund të them se jam shumë i lumtur këtu, dhe kam kontratë deri më 2020. Deri më tani nuk kam marr asnjë ofertë”, deklaroi Xhaka për “RP-Online”.

Sidoqoftë, nëse vjen një ofertë e mirë në drejtim të tij, kjo mund t’ia ndërrojë mendjen, mesfushorit kosovar. “Nëse ndodh diçka, me siguri do të ulemi dhe do ta diskutojmë dhe të shohim se çfarë do të ndodh. Por, nëse nuk vjen asnjë ofertë, është në rregull”, është shprehur Xhaka.