Zvicër: Të rinjtë po diskriminohen për të përfituar pensionistët!

Deputetja nacionale nga GLP, Kathryn Bertschy e shpjegon kështu gjendjen e re: “Gjenerata e vjetër po jeton në kurriz të asaj të re”

Ka kohë që njohësit e çështjes rrahin kambanat e alarmit: Financimi i Fondit të pensioneve është bërë më i vështirë se kurrë më parë.

“Konflrikti i gjeneratave në fondin e pensioneve po ashpërsohet me të madhe. Siç shkruan gazeta “SonntagsZeitung”, për t`i përmbushur garancitë e ngritura të pensioneve që u janë dhënë pensionistëve, njerëzve që punojnë, pa i pyetur askush u merren më shumë kontribute.

Ky transfer po merr përmasa shqetësuese. Shuma e përgjithshme e financimit në mënyrë indirekte  të fondeve pensionale ka arritur në 4 dei 5 miliardë franga. Kështu, një person i punësuar humb në vit 1000 deri në 1250 franga vetëm në favor të pensioneve.

Që nga viti 1985 kur është vendosur që ndarja e parave për fondin pensional të jetë e detyrueshme, e deri në vitin 2015, shuma e përmendur ka qenë mesatarisht 1.5 miliard franga në vit, thotë Othgmar Siemon , menaxher i fondit Swisscanto.

Ssipas tij është duke u bërë një vjedhje e mirëfilltë e pensioneve, e cila po rrjedh pa u vënë re dhe si e tillë nuk po kuptohet as nga vetë njerëzit e goditur nga kjo.

Në vitin 2014 Swisskanto vlerësonte shumën e pagesave të transferit në rreth 3 miliardë franga. “Pensionistët janë nga shumë aspekte fituesit. Ata kanë një pension të garantuar dhe përfitojnë njëkohësisht edhe nga rritja e kontributeve të atyre që punojnë, gjë që i forcon pensionet e tyre”; thotë Simeon.

Ndërsa deputetja nacionale nga GLP, Kathryn Bertschy e shpjegon kështu gjendjen e re: “Gjenerata e vjetër po jeton në kurriz të asaj të re”.