Kuçi i shkruan Ministres Sommaruga kundër ekstradimit në Serbi të luftëtarit të UÇK-së

Kuçi në një letër të tij i shkruan Sommaruga-s se ekstradimi në Serbi nuk është i drejtë, pasi që për veprimet e pretenduara të personit në fjalë, është kompetente drejtësia e Ksoovës dhe jo shteti i saj fqinj, Serbia

Policia Kantonale e Cyrihut ka arrestuar të martën e javës së kaluar një shqiptar të Kosovës, (Albert S.) duke përmbushur kështu kërkesën e organeve serbe për ekstradim. Serbia e ngarkonte personin në fjalë me akuza për kohën sa kishte qenë pjesëtar i UÇK-së. Sipas tyre ai në vitin 1998 kishte kryer krime të rënda kundër civilëve serbë.

Alberti është arrestuar në orët e hershme të mëngjesit, deri sa ishte në gjumë në banesën e tij.

Ai i mohon akuzat dhe fuqimisht kundërshton ekstradimin në Serbi. Por jo vetëm ai: edhe Ambasada e Kosovës në Bernë ka kërkuar sqarime lidhur me të, shkruan SonntagsZeitung. Ndërsa të premten ka ndërhyrë edhe ministri i drejtësisë i Kosovës, Hajredin Kuçi personalisht te ministrja e drejtësisë Simonetta sommaruzga, transmeton albinfo.ch.

Kuçi në një letër të tij i shkruan Sommaruga-s se ekstradimi në Serbi nuk është i drejtë  pasi që për veprimet e pretenduara të personit në fjalë, është kompetente drejtësia e Ksoovës dhe jo shteti i saj fqinj, Serbia.

I akuzuari, që nga viti 1998 jeton në Zvicër ndërsa familja e tij gjatë luftës është shuar pothuaj në tërësi nga forcat serbe: 13 familjarë të ngushtë, në mesin e të cilëve edhe bashkëshortja i janë vrarë.

Në Rahovec, qytetin prej nga vjen ai, atëbotë qenë bërë shumë masakra mbi popullatën civile. Nga ana tjetër edhe UCK-ja kishte vrarë banorë serbë, shkruan gazeta.

Kërkesa për ekstradim të personit sot 51 vjeçar është ngruitur që nga viti 2014. Para një viti autoritetet serbe kishin garantuar se do të zhvillojnë një procedurë duke respektuar të drejtat e njeriut. Kjo nënkupton që Ambasada zvicerane në Serbi në çdo kohë mund të bëjüë vizita të pambikëqyrura dhe të vëzhgojë procedurën penale ndaj tij.