Një propozim për shmangien e “Iniciativës kundër migracionit masiv”

Propozimi synon të mundësojë zbatimin e iniciativës në atë mënyrë që të mos cenohet lëvizja e lirë me BE-në

Institucioni këshillëdhënës zviceran (Thinktank) “Forumi për politikë të jashtme” ka prezantuar të hënën një propozim të vetin për atë se si të jetësohet iniciativa kundër migracionit masiv.

Siç dihet, zbatimi i kësaj iniciative të SVP/UDC-së, të votuar nga populli në shkurt të vitit 2014 i ka nxjerrë telashe të mëdha Zvicrës. Kjo për faktin se zbatimi i saj nënkupton anulimin e marrëveshjes me BE-në për lëvizje të lirë.

Propozimi i forumit të përmendur synon të mundësojë zbatimin e iniciativës në atë mënyrë që të mos cenohet lëvizja e lirë me BE-në.

Grupi i ekspertëve prandaj kërkon një kundërpropozim për iniciativën “Jashtë nga qorrsokaku” (Raus aus der Sackgasse ose Rasa), e cila synon anulimin e iniciativës kundër migrimit masiv dhe shlyerjen nga kushtetuta të nenit përkatës.

Koncepti i “Forumit…” parashikon që Zvicra të jetë vetë ajo që e dirigjon migrimin. Por ai kundërshton kontingjentet e të huajve dhe përparësinë e vendorëve.

Deri tash, përfaqësues të shumicës së partive, si: SP, CVP. Të Gjelbrit, GLP dhe BDP kanë përshëndetur këtë propozim.