Nescafé është brendi më i vlefshëm zviceran

Sipas një rangliste të bërë nga magazina “Bilanz” dhe firma “Interbrand”, më e vlefshmja nga të gjitha është marka e kafes “Nescafé” e Nestle-s

Zvicra ka shumë marka ose “brende” prodhimesh me vlera të larta dhe me reputacion në botë. Por, sipas një rangliste të bërë nga magazina “Bilanz” dhe firma “Interbrand”, më e vlefshmja nga të gjitha është marka e kafes “Nescafé” e Nestle-s, shkruajnë mediat zvicerane. Ndërkaq vetë marka Nestle, që është ndër prodhuesit më të mëdhenj botërorë në industrinë ushqimore zë vendin e dytë në këtë ranglistë.

Në vendin e tretë është radhitur marka e orës Rolex, në të katërtin, Swisscom, transmeton albinfo.ch. Ndërsa rritjen më të madhe në vlerën e markës e ka përjetuar koncerni zviceran-francez për prodhimin e çimentos “LafargeHolcim”, pas fuzionimit të tij.

Në përpilimin e kësaj rangliste merren parasysh fuqia financiare, pesha që ka një markë në vendimet tona për ta blerë atë dhe fitimi i pritshëm për poseduesin e markës.