Çdo i dyti zviceran është religjioz

Çdo i dyti banor i Zvicrës beson në ekzistimin e një perëndie, ndërsa çdo i katërti beson se ekziston një fuqi madhore (superiore). Në këtë konstatim ka ardhur një studim mbi gjuhën, religjionin dhe kulturën, të cilin e ka publikuar sot Zyra Federale për Statistikë.

Më tutje në këtë raport thuhet se më shumë se çdo i pesti banor i Zvicrës nuk ka religjion respektivisht nuk beson në ekzistimin e zotit. Por, nga ky numër, një e treta ndjehen ateistë dhe një e katërta agnostikë, që domethënë nuk dinë nëse ekziston një ose më shumë zotëra, shkruan srf.ch.

Sipas rregullit, gratë janë më spirituale gjegjësisht më të dhëna pas besimit në zot në krahasim me burrat,  konstatohet më tutje në këtë studim. Por, në momentet e vështira jetësore, afërsisht gjysma e njerëzve në Zvicër kërkojnë ngushëllim ose ndihmë në religjion.