Pajisje zjarrfikësish, donacion nga Zvicra për Gostivarin

Për Shërbimin e Zjarrfikësve në Gostivar, mërgimtari kërçovar, Xhemail Useini ka ndërmjetësuar një donacion nga Zvicra. Bëhet fjalë për pallto e helmeta për zjarrfikës, pajisje ndihmëse, zorrë për hedhjen e ujit me profile të ndryshme, boca dhe maska oksigjeni, si dhe pajisje tjera të nevojshme për punë efikase dhe të sigurt të njësitit të zjarrfikësve.

Kryetari i Komunës së Gostivarit, Nevza Bejt ka falënderuar mërgimtarin  Xhemail Useini për ndërmjetësimin në sigurimin e donacionit nga institucionet zvicerane, njoftojnë mediat lokale nga Gostivari

Vlera e donacionit është diku rreth 80.000 franga zvicerane dhe posedon shumë pajisje të nevojshme për zjarrfikësit e Gostivarit.

„Uroj që këto pajisje asnjëherë mos të përdoren, por për çdo rast të padëshirueshëm zjarrfikësit duhet të jenë të përgatitur dhe pajisur me pajisje të nevojshme për të dalur në ndihmë të qytetarëve. Mërgimtarët tanë e dëshmojnë që nuk e harrojnë vendin e tyre të lindjes dhe japin kontribut që vendlindja e tyre të zhvillohet”, tha mes të tjerash kryetari Nevzat Bejta.