Zvicra eksporton aq shumë cigare sa djathë

Orët, çokollatat dhe djathi janë ndër eksportet më të njohura zvicerane. Më pak e njohur është se Zvicra shet edhe sasi të mëdha të cigareve jashtë vendit. Më 2015 janë eksportuar në vlerë rreth 522 milionë franga. Në krahasim me djathin, kjo shifër arriti në 524 milionë franga.

Japan Tobacco International (Camel), Philip Morris (Marlboro) dhe British American Tobacco (Lucky Strike) prodhohen të gjitha në Zvicër. Cigaret e ndaluara në Evropë, sipas «Sonntagszeitung», eksportohen kryesisht në Afrikën e Veriut, Azi dhe Lindjen e Mesme, ku ligjet në lidhje me përbërësit janë më pak strikte.

Ndërsa, në shifra pothuajse cigaret eksportohen sa djathi, fitimet në industrinë e duhanit ka të ngjarë në mënyrë të konsiderueshme të jenë më të larta. Rreth 40 për qind e marzhit të fitimi ka arritur Philip Morris dhe Co. Kështu, ata madje kanë tejkaluar industrinë farmaceutike.

Në Zvicër, kompania ka fituar 3 franga për një pako, shkruan “Sonntagszeitung”, përcjell albinfo.ch. Kjo është e lidhur edhe me rritjen e çmimeve të vazhdueshme. Midis 2007 dhe 2015, çmimet e industrisë së duhanit janë rritur çdo vit. Autoritetet kanë rritur gjatë periudhës së njëjtë taksat mbi cigaret tri herë.