Zvicra e para në Evropë ndërsa Kosova e fundit, për shfrytëzim të hekurudhës

Kjo ranglistë është interesante të shikohet edhe nga fundi: Kosova, me vetëm 20 kilometra për banor, është fare në fund të listës. E parafundit është Greqia, banorët e të cilës brenda një viti kalojnë 71 kilometra me tren

Zviceranët, në çdo rangim që bëhet sa i përket shfrytëzimit të trenit si mjet qarkullimi, zënë vendin e parë, madje me një diferencë të madhe ndaj vendit të dytë. Kështu është edhe në ranglistën për vitin 2014 (e fundit që është bërë deri tash) dhe e cila është publikuar tash, shkruan apa.ots. Sipas saj, një zviceran kalon mesatarisht brenda një viti 2429 kilometra në tren.

Në vendin e dytë janë austriakët, mesatarja e të cilëve është 1426 kilometra.

Por kjo ranglistë është interesante të shikohet edhe nga fundi: Kosova, me vetëm 20 kilometra në vit për banor, është fare në fund të listës, transmeton albinfo.ch. E parafundit është Greqia, banorët e të cilës brenda një viti kalojnë 71 kilometra me tren.

Po u krahasua Kosova me Zvicrën në këtë pikë, Zvicra me 2429 kilometra të kaluara mesatasisht nga një banor i saj trenat në këtë vend rezultojnë 220 herë më të shfrytëzuar se sa ata në Kosovë.

Paradoksalisht, në Kosovë krahas Bullgarisë, trafiku hekurudhor që shfrytëzohet kaq pak, kushton më së liri në Evropë. 1.8 cent për një kilometër.

Mesatarja evropiane është 10.6 cent, ndërsa më së shtrenjti është në Britaninë e madhe ku për 1 kilometër të kaluar me tren duhen paguar 16.7 cent, përcjell albinfo.ch

Mesatarja e shfrytëzimit të hekurudhës për banorët e Evropës në vitin 2014 ka qenë 981 kilometra për një vit, bën të ditur raporti i katërt i “Independent Regulators Group-Rail (IRG-Rail), i platformës evropiane të autoriteteve të pavarura për rregullimin e trafikut hekurudhor.