Arrestohen 30 aktivistë, kanë bllokuar autostradën

Policia ka arrestuar 30 persona që kishin protestuar pasditen e të shtunës në autostradë, duke bllokuar kështu vendkalimin kufitar Basel-Wei. Siç bëjnë të ditur policia federale gjermane dhe ajo kantonale e Baselstadt-it, autostrada ka mbetur e bllokuar në të dy drejtimet për rreth një orë e gjysmë. Për pasojë ka pasur çrregullime dhe pengesa në komunikacion edhe në hapësirat që lidhen me autostradën në pjesën e përmendur.

Policia thotë se në aksionin e përmendur të bllokimit kanë marrë pjesë në mes 60 dhe 100 persona, tridhjetë nga të cilët janë arrestuar.

Autoritetet thonë se kanë qenë të befasuara nga manifestimi i palejuar që ishte organizuar nga ana gjermane. Ky aksion politik ishte drejtuar kundër politikës aktuale të refugjatëve.