Shënohet 150 vjetori i Kryqit të Kuq Zviceran

Në sheshin federal gjatë manifestimit po qëndronte një ekspozitë mobile, e cila, e vendosur në një automjet, do të jetë gjatë tërë vitit në lëvizje në gjithë Zvicrën

Keystone

Kryqi i Kuq i Zvicrës (SRK) do të shënojë këtë vit 150 vjetorin e themelimit të tij. Në këtë kontekst, të shtunën kanë filluar në Bernë manifestimet për nder të jubileut. Kështu, dje në sheshin e federatës (Bundesplatz) të Bernës , 3000 vullnetarë, nëpunës dhe mysafirë të tjerë kanë formuar një kryq të kuq në sfond të bardhë (simboli i organizatës së Kryqit të Kuq) dhe anasjelltas një kryq të bardhë në sfondin e kuq, që është pamja e Flamurit të Zvicrës.

Duke marrë fjalën në këtë solemnitet, kryetarja e SRK-së, Annemarie Huber-Hotz veç tjerash ka theksuar se viti jubilar “është një vit i humanitetit sepse pa humanitet nuk ka as jetë që e meriton të quhet e tillë”.

Në vitin e vet jubilar, Kryqi i Kuq i Zvicrës synon të kultivojë më tepër kontaktet me partnerët dhe autoritetet.

Në sheshin federal gjatë manifestimit po qëndronte një ekspozitë mobile, e cila, e vendosur në një automjet, do të jetë gjatë tërë vitit në lëvizje në gjithë Zvicrën.