Frekuentohen më pak hotelet luksoze zvicerane

Hotelet luksoze zvicerane vitin e kaluar kishin 12.3 për qind më pak mysafirë nga Gjermania. Vizitat nga evropianët ranë me 9.3 për qind dhe kanë arritur nivelin më të ulët që nga viti 1958.
41 hotele zvicerane Deluxe, grupi i më i veçantë i hoteleve me 5 yje, vitin e kaluar regjistruan profit 1.5 për qind më pak,1.42 miliardë franga. Numri i bujtjeve është ulur me 3 për qind.

Në saje të dollarit të fortë, numri i mysafirëve nga SHBA-ja u rrit me 5.7 për qind. Kinezët frekuentojnë hotelet luksoze zvicerane për një të tretën më shumë se në vitin paraprak.