Aeroplani me defekt, derdh 70 tonelata kerozinë mbi Zvicër

Një aeroplan udhëtarësh i kompanisë Corsair pasditen e vonshme te së dielës kishte pasur një problem teknik derisa fluturonte. Ai ishte duke fluturuar për në Mauricius por për shkak të defektit, i është dashur të kthehej në Paris. Mirëpo, për të arritur peshën e duhur për aterrim, aeroplanit i është dashur që gjatë fluturimit të zbrazte nga rezervoarët e tij 70 tonelata lëndë djegëse, kerozinë, shkruan srf.ch.

Dhe këtë e ka bërë në territorin ajror të Zvirës, bën të ditur sigurimi ajror zviceran.

Kjo ka ndodhur në regjionin në mes të Alpeve italiane dhe kantonit Jura të Zvicrës, përcjell albinfo.ch. Vetëm pas kësaj, aeroplani ka mundur të aterrojë i sigurt në Paris.

Siç dihet, lëshimi i kerozinës është i kufizuar rreptësisht dhe kontrollohet nga Zyra Federale për Fluturime civile. Rregullat përcaktojnë që të mos dëmtohet as fluturakja por as edhe ambienti, nga karburanti i hedhur si në këtë rast.