Iniciative për të ndaluar ferexhën,  në kontekstin e sigurisë në Zvicër pas sulmeve në Bruksel, apo infrastrukturat ligjore dhe materiale të sigurisë së Zvicrës janë temë debati e gazetave të së dielës. Albinfo.ch ka përmbledhur disa vështrime që  ju përcjell në vijim.

« Le Matin Dimanche »

Iniciativa popullore “po, të parandalojmë fshehjen  e fytyrës”, nisur nga Komiteti i Egerkingen (komitet ky i afërt me SVP/UDC-në dhe nga i cili ka rrjedhur edhe iniciativa kundër minareve) ndan qarqet feministe. Sipas gazetëse frankofone « Le Matin Dimanche », disa aktiviste, sikur Këshilltarja nacionale  Ada Marra PS / VD), refuzojnë të mbështesin këtë iniciaticë dhe njoftojnë  se  do të votojnë “jo”, nëse popullit do t`i duhej të votojë, edhe pse ato janë në mënyrë të qartë kundër bartjes së ferexhesë. Sipas këtyre aktivisteve, kemi të bëjmë me një mashttim  dhe me një manipulimi politik i cili shërben vetëm për stigmatizimin e bashkësisë myslimane,” thekson Këshilltarja Geraldine Savary (PS / VD), e cila raporton se “se flitet për më  pak se njëqind raste, ferexheja nuk është problem në Zvicër. ”

Sonntagszeitung / Schweiz am Sonntag

Këshilltari nacional i Gjenevës Pierre Mauder bën thirrje për një debat publik mbi sigurinë dhe të drejtat e personalitetit pas sulmeve të Brukselit. “Ne jemi të verbër dhe të shurdhër në Zvicër”, ankohet kreu i departamentit të sigurisë në Zvicër pranë gazetave Sonntagszeitung dhe Schweiz am Sonntag.

“Në nivelin federal, ne ndjejmë një ngurrim për të njohur seriozitetin e situatës,” vëzhgon Pierre Maudet. Shërbimi Informativ i Konfederatës “është shumë larg nga Evropa” sa u përket aftësive për sigurim. Ligji i ri për informata është “varianti minimal”, thekson ai, duke kujtuar se mungon një koncept i qëndrueshëm kombëtar, i cili gjithashtu përfshin ushtrinë. “Ne nuk mund ta konsiderojmë veten si një ishull i mbrojtur.”

NZZ am Sonntag

Anëtarët e Komisionit  për politikë të Sigurisë duan t’i japin më shumë pushtet  shërbimit informativ të Konfederatës . Sulmet në “Bruksel tregojnë se kërcënimi terrorist është real ». Këshilli Federal duhet të shqyrtojë nëse ai mund t’i japë në mënyrë urgjente më shumë kompetenca shërbimit informativ nën domosdoshmërinë e ligjit,” thekson për  NZZ am Sonntag Këshilltarja nacionale Ida Glanzmann-Hunkeler (PDC / LU). Parlamenti Federal miratoi një ligj të ri për shërbimin informativ në shtator. Nga ana e kundërt, një aleancë e udhëhequr nga Rinia Socialiste, të rinjtë  e Gjelbërt si dhe Partia Pirate, kanë iniciuar një referendum. Populli do të vendosë.