70 personalitete, apel për pranimin e 50 mijë refugjatëve

(KEYSTONE/AP Photo Eric Draper)

Më shumë se shtatëdhjetë personalitete të shquara nga politika, shkenca dhe kultura kanë lansuar sot një apel për pranimin e menjëhershëm nga Zvicra, të 50 mijë refugjatëve. Këtë apel, personalitetet në fjalë e kanë publikuar në gazetën e përditshme “Tribune de Geneve”.

Në mesin e nënshkuesve janë edhe ministri në Qeverinë e Kantonit të Gjenevës, Antonio Hodgers, shkrimtari i shquar Adolf Muschg (mbase më i madhi shkrimtar i gjallë në Zvicrën gjermane), shkrimtari tjetër po ashtu i shquar, Pedro Lenz, historiani Jakob Tanner si dhe ish profesori universitar, luftëtari i madh për të drejtat e njeriut, Jean Ziegler.

Apeli e ka burimin nga sindikalistët e Roamndisë, shkruan srf.ch, të cilët para disa javësh qenë bërë dëshmitarë të dhembjes e mjerimit në të cilin jetojnë mijëra refugjatë në kufirin në mes të Serbisë dhe Kroacisë, transmeton albinfo.ch. Kjo po ndodh që nga mbyllja e të ashtuquajturës rrugë ballkanike të refugjatëve.