CH-Ballkani
Nga sot në Aarau, shfaqja zvicerane-shqiptare “Duke menduar Medean”
Është ky një koproduksion teatror në mes Zvicrës, Shqipërisë dhe Kosovës
Pas shfaqjeve në Bazel që u dhanë gjatë janarit në Bazel, drama zvicerane-shqiptare “Thinking about Medea – Duke menduar Medean” do të fillojë edhe serinë e shfaqjeve të saj edhe në Aarau. Konkretisht, më6, 8 dhe 9 prill ajo jepet në teatrin e njohr «Tuchlaube» të Aarau-t. gjatë majit kjo shfaqje pritet të jepet edhe në Lucern.
Bëhet e ditur se pas shfaqjes që jepet më 8 prill, në një bashkëbisedim me publikun do të marrë pjesë edhe deputetja, njëherësh kryetare e Grupit Parlamentar të SP-së në Kantonin e Lucernit, Ylfete Fanaj.
Shfaqja është një koproduksion teatror në mes Zvicrës, Shqipërisë dhe Kosovës.
Medea, prej 10.000 është vitesh pjesë e historisë së kulturës evropaiane. Ajo na paraqitet në forma të ndryshme të shkrimit dhe në funksione të ndryshme. Por, në vitin 431 para Krishtit, Euripidi i ka ngritur asaj një përmendore e cila edhe sot e përcakton imazhin e Medeas: Ajo është një grua e zemëruar, e cila, e tërbuar nga tradhtia që i ka bërë i shoqi, vret të dy fëmijët e vet.
Por, përse jemi lidhur kaq fort pas këtij imazhi kur ka aq shumë mundësi tjera për ta kujtuar Medean? Kush mund të jetë sot kjo Medea, e cila kaq gjatë dhe kaq fuqishëm e ka dominuar imazhin e gruas? Si do ta shkruanim ne sot historinë e saj?
Pas suksesit ndërkombëtar të shfaqjes “Love.State.Kosovo” (viti 2013), performuesja e autorja zvicerane Beatrice Fleischlin dhe balerini kosovar Labinot Rexhepi vijnë sërish së bashku në skenë, me shfaqjen “Thinking about Medea-Duke menduar Medean”. Kësaj radhe ata mbështeten nga bendi zviceran “Heligonka” dhe koreaografi shqiptar, Gjergj Prevazi. Me vallëzim, muzikë dhe në tri gjuhë, ata i përafrohen më shumë mitit të Medeas dhe gjejnë interpretime befasuese, me humor dhe shumë aktuale.
Drejtimin artistik të shfaqjes e kanë bërë Beatrice Fleischlin dhe Gjergj Prevazi; Dramaturgjia&bashkëpunimi artistik: Eva Böhmer; Performanca: Beatrice Fleischlin dhe Labinot Rexhepi; Muzika: Helogonka ((Stefan Hass & Jesco Tscholitsch); Koreografia: Gjergj Prevazi; Skena: Nico de Roois; Kostumet: Diana Ammann; Produksioni: Larissa Bizer me asistim të Klodoaldo Lamçaj; Dokumentacioni fotografik dhe video: Tristan Sherifi. Shfaqja luhet në gjuhën gjermane, angleze dhe shqipe (me tritrim). Është një bashkëprodhim në mes të “Kaserne Basel” dhe “Albania Dance Meeting”, Tiranë. Shfaqja mbështetet nga një numër fondacionesh kulturore të Zvicrës.
Në faqen www.produktionswerkstatt.ch mund të mësoni për datat tjera të shfaqjes dhe më shumë rreth këtij produksioni.
Info rreth ngjarjes
- Data e fillimit06 Prill 2016
- Ora20:15
- LokacioniAarau
- Data e përfundimit17 Maj 0000 - 20:16
Të ngjashme
Të tjera nga CH-Ballkani
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?