Lirohen me kaucion 6 mafiozë

Arrestimi i 15 mafiozëve italianë i realizuar ditë më parë në Zvicër kishte bërë jehonë të madhe në mediet e këtushme. Por, sot autoriteti përgjegjës, Zyra Federale për Drejtësi bën të ditur se gjashtë prej tyre janë liruar me kaucion. Bëhet fjalë për pesë persona nga kantoni Thurgau dhe një nga kantoni Cyrihut, njofton srf.ch

Në arsyetimin e vet për lënien të lirë të këtyre gjashtë personave, autoritetet kanë vlerësuar se rreziku për arratisjen e tyre është i papërfillshëm, tranmseton albinfo.ch. Ata vetëm janë detyruar të deponojnë dokumentet e tyre të identifikimit dhe të bëjnë paraqitje në mënyrë të rregullt në polici.

Arrestimi i këtyre gjashte personave është bërë te martën në bazë të një kërkese nga shteti italian për ekstradimin e tyre, si të dyshuar për aktivitete mafioze. Nëntë pjesëtarë të tjerë të dyshuar të organizates së njohur mafioze «Ndragheta» vazhdojne të mbeten në burgun për dëbim. Vendimi për ekstradim të tyre mund të atakohet para Gjykatës Federale Penale.