“Lindt” synon të bëhet shitësi më i madh i çokollatës në botë

Prodhuesi zviceran i çokollatës “Lindt & SPRUNGLI” ka sfiduar seriozisht konkurrentin belg “Godiva”. Kompania i ka vënë vetes qëllimin për t’u bërë shitësi më i madh i çokollatës luksoze në botë deri në vitin 2020, duke rritur shitjet e drejtpërdrejta për konsumatorët, shkruan “Bloomberg”, përcjell albinfo.ch.

Prodhuesi i karameleve prej çokollatës “Lindt” planifikon të hapë 20 deri në 30 dyqane çdo vit me bazë në Kilchberg, Zvicër. Në një deklaratë kompania tha se ka regjistruar një rritje vjetore të fitimit në përputhje me vlerësimet e analistëve.

Kompania ka rritur dividentet nga 10 % në 800 franga për aksion, duke tejkaluar parashikimin e “Bloomberg”, për 750 franga.

“Lindt”, e cila ka mbi 300 dyqane në gjithë botën, do të duhet të përshpejtojë planin e saj për të mundur kundërshtarin e tij të madh “Godiva”, i cili ka mbi 450 dyqane.

“Lindt” tha se do të përdorë rrjetin e dyqaneve për të komunikuar me klientët, duke ofruar produkte të cilat nuk mund të gjenden diku tjetër.

“Lindt” ka hapur 50 dyqane vitin e kaluar, përfshirë 16 në Brazil. Shitjet me pakicë, ndërkohë, u rritën me mbi 20%, që është më e shpejtë se rritja e shitjeve totale të kompanisë.

“Lindt” u bë prodhuesi i tretë më i madh i çokollatës në Shtetet e Bashkuara të Amerikës, kur ajo bleu „Russell Stover“ për 1.5 miliardë franga në vitin 2014.

Shitjet në Amerikën e Veriut janë rritur me 7.9% vitin e kaluar, me një vonesë prej 14% në vitin 2014.