Çiftet „divorcohen“ për shkak të taksave

Çiftet divorcohen duke u përpjekur për të kursyer para me këtë mashtrim.

Divorcohen për të shpëtuar mijëra franga në vit. Në të vërtetë, ata janë ende një çift dhe jetojnë së bashku. Çiftet e pasura zvicerane po përdorin këtë „trik“ për shkak se ata duan t‘u shmanen taksave, raporton “Sonntagszeitung”, përcjell albinfo.ch.

Një veprim i këtill është atraktiv veçanërisht për çifte të pasura, thotë avokati nga Lausanne, Franck Ammann. Ai vlerëson se pesë për qind e çifteve të martuara janë divorcuar për shkak të taksave më të ulëta. Bëhet fjalë për më shumë se 800 raste në vit në Zvicër.

Të njëjtën po e bëjnë edhe pensionistët. Sipas ligjit aktual AHV, çiftet marrin më shumë se 150 për qind të pensionit maksimal, ndërsa të pamartuar marrin pension të plotë për person, që është 200 për qind. Sipas “Sonntagszeitung”, janë katër deri në pesë çifte të moshës së daljes në pension, të cilët dëshirojnë të divorcohen për të marrë një pension më të lartë.