Dështimi i iniciativës së SVP/UDC-së provokon reagime te mediat e huaja

Edhe i shumënjohuri Edward Snowden tha se ishte "krenar për Zvicrën" pas refuzimit të iniciativës për dëbimin efektiv të kriminelëve të huaj. Nga Franca në Afrikë, shumë media kanë reaguar gjithashtu.

Refugjatë nga viti 2013 në Rusi, ish-punonjës i CIA-s, Edward Snowden, ka komentuar në Twitter rezultatin e votimit. Rreth orës 11 të paradites së hënë në Zvicër mesazhi i tij ishte ndarë më shumë se 3600 herë.

“Krenar për Zvicrën, demokracia e drejtpërdrejtë është ajo që mundi ksenofobinë”.

Nga Franca në Afrikë

Disa medie franceze janë shprehur rreth votimit në Zvicër, si BFM TV, Libération ose RTL në Belgjikë, duke vënë në dukje se propozimi ishte i “diskutueshëm”.

Disa gazeta afrikane kanë trajtuar gjithashtu këtë subjekt, si Canal Togo News ose Gabon Actualités. BBC Afrikë prezantoi  SVP/ UDC-në si një parti që “mendon se vështirësitë e jetesës së zviceranëve dhe trazirat sociale rezultojnë nga faji i emigracionit”.

Më afër kufijve tanë, Le Dauphiné nga Haute-Savoie tha se “Zvicra shpëtoi nga një dhimbje koke”. “Ky tekst ka kristalizuar kundërshtimin e komunitetit të biznesmenëve, të cilët frikësoheshin nga komplikimi i marrëdhënieve të tensionuara me Bashkimin Evropian”, komentoi faqja e internetit zonebourse. Një mendim i ndarë edhe nga gazeta amerikane me ndikim “Bloomberg”.

Në Gjermani “Frankfurter Allgemeine” tha ishte e “çuditur” me për “Jo-në” e qartë. “Surprizë”.  Për gazetën gjermane, gjermanët duhet të marrin shembull nga Zvicra.