Rekord, pjesëmarrja e votuesve në referendumin e së dielës

Foto: SCHWEIZ ABSTIMMUNG EWR 1992

Që nga aplikimi i të drejtës së votës për gratë në Zvicër vitin 1971, kaq shumë njerëz nuk kanë marrë pjesë në një votim si në referendumin e së dielës. Sipas parashikimeve, pjesëmarrja duhet të jetë rreth 70 për qind.

Kjo është shifra më e lartë që nga marrëveshja ZEE në vitin 1992. Në atë kohë janë numëruar 78,7 për qind të votuesve në qendrat e votimit. Gjithashtu pjesëmarrje rekord e lartë ishte regjistruar në vitin 1974., për iniciativën popullore “kundër infiltrimit të huajve dhe mbipopullimit të Zvicrës” (70.3 për qind). Votimi për heqjen e ushtrisë në vitin 1989, ka shënuar 70 për qind të votuesve.