Nehat Ismaili rizgjedhet kryetar i Unionit të Imamëve Shqiptarë

Më 22 shkurt, 2016, ditë e hënë, në objektin e ri të xhamisë “Dituria” të shqiptarëve të Gjenevës, u mbajt kuvendi i V-të me radh i Unionit të Imamëve Shqiptarë të Zvicrës (UISHZ). Në këtë takim, fillimisht u raportua nga kryesia e kaluar për aktivitetet e zhvilluara për gjatë vitit të kaluar, duke filluar nga kryetari, nënkryetarët dhe arkëtari i Unionit. Përveç diskutimeve dhe shqyrtimeve të projekteve të reja, gjatë këtij kuvendi u zgjodh edhe kryesia e re.

„Me propozim të kryetarit të Kuvendit, Fahrudin Bunjakut, dhe me përkrahjen e të gjithë të pranishmevë, detyrën e kryetarit të Unionit do ta vazhdojë edhe për dy vite të tjera, kryetari i aktual, Mr. Nehat ef. Ismaili“,  thuhet në njoftimin e UISHZ-së .

Kurse anëtarët e tjerë rë rinj të kryesisë së Unionit janë:  nënkryetarë: Enes Koshi dhe Rijad Aliu, sekretar: Hfz. Mehas Alija, arkëtar: Fahrudin Bunjaku, Kryetar i Kuvendi: Dr. Bashkim Aliu, nënkryetar i kuvendit: Sadat Sulejmani

Kurse këshillin mbikëqyrës e përbëjnë: Taxhedin Misimi, Bunjamin Azizi dhe Abdulkerim Sadiku.

Kryetari i Unionit, Mr. Nehat Ismaili, falënderoi përzemërsisht anëtarët e vjetër të kryesisë për angazhimin dhe punën e tyre në këtë organizatë, dhe njëkohësisht iu uroi mirëseardhje anëtarëve të rinj, duke shpresuar në një bashkëpunim më të ngushtë, të sinqert dhe produktiv.

Unioni i Imamëve Shqiptarë është organizatë që në gjirin e saj ka rreth 30 imamë të xhamive shqiptare, nga rajone të ndryshme të Zvicrës, ndërsa kryesia e re është e treta me radhë që nga themelimi i kësaj organizate.

“Ajo që ia vlen për fund të theksohet është projekti i radhës, i paraparë për t’u realizuar në një të ardhme të afërt, e që është botimi i përkthimit të Kur’anit në gjuhën shqipe, me përkrahje dhe mbështetje të UISHZ-së, i cili do të shpërndahet falas.”, thuhet mes tjerash në këtë njoftim.