Strasburgu hedh poshtë vendimin e Gjykatës Federale të Zvicrës si diskriminues

Ajo ka marrë në gjykim rastin e një gruaje e cila pas lindjes së fëmijës e kishte reduktuar kohën e saj të punës, Për këtë arsye asaj i ishte ndërprerë pensioni

Gjykata Evropiane për të Drejtat e Njeriut me seli në Strasburg e ka hedhur poshtë një vendim të Gjykatës Federale të Zvicrës (instanca më e lartë gjyqësore në vend). Bëhet fjalë për vendimin diskriminues, siç e konsideron Strasburgu, që gjykata zvicerane kishte marrë në raport me një person me nevoja të veçanta.

Gjykatësit nga Strasburgu vlerësojnë se të punësuarit me normë jo të plotë në Zvicër janë të diskriminuar me rastin e kërkimit të pensionit te invaliditetit, kur ata janë persona me nevoja të veçanta, shkruan srf.ch.

Ata që punojnë me kohë të reduktuar në krahasim me të tjerët me kohë të plotë ose me ata që nuk punojnë fare, në Zvicër marrin rregullisht pensione më të ulëta, konstaton gjykata.

Ajo ka marrë në gjykim rastin e një gruaje e cila pas lindjes së fëmijës e kishte reduktuar kohën e saj të punës, transeton albinfo.ch. Për këtë arsye asaj i ishte ndërprerë pensioni invalidor.

Gjykata Federale e Zvicrës e kishte mbështetur këtë qëndrim sa i përket mohimit të pensionit. Ndërsa Gjykata e Strasburgut duke e gjykuar këtë rast ka theksuar se në 98 për qind të rasteve janë femrat ato që goditen nga ky diskrinim.