Integrimi
550 franga dënim për nxënësit që nuk flasin gjermanisht!
Kryetarja e komunës, Johanna Bartholdi është e vetëdishme se një vendim i tillë është delikat dhe madje e pranon se është diku në «zonën gri» të drejtësisë
Nxënësit me prejardhje të huaj në qytezën Egerkingen të Kantonit Solothurn përbëjnë në disa klasa deri në 70% të numrit të përgjithshëm. Duke qenë kështu, ndodh që ata në kohën e lirë, gjatë pauzave, mes vete të flasin edhe në gjuhët e tyre amtare.
Por kryetarja e komunës do t`ua ndalojë këtë, duke futur një masë ndëshkuese. Deri në 550 franga do të paguajë ai nxënës që kapet duke folur në gjuhë tjetër pos në gjermanishte!
Vendimi për këtë është marrë madje nga Këshilli i Komunës së Egerkingenit, në kuadrin e masave për mbajtjen e rendit ne shkolla. «Gjatë gjithë kohës që kalojnë në shkollë dhe në gjithë arealin e shkollës, gjuhë komunikimi për nxënësit është gjermanishtja», thuhet në vendimin që ka ngritur pluhur në këtë komunë e më gjerë.
«Nuk bën të lejohet që fëmijët zviceranë të kufizohen, diskrimonohen», thotë autorja e gjithë kësaj, kryetarja e komunës, Johanna Bartholdi (FDP) për gazetën «Oltner Tagblatt». Ajo e arsyeton këtë vendim me faktin se ka klasë ku nxënësit me gjuhë amtare të huaj përbëjnë deri në 70% të numrit ë përgjithshëm, transmeton albinfo.ch.
Megjithatë, gjoba prej 550 frangash fëmijëve do t`u shiptohet “vetëm” pas “shkeljes” së tretë të vendimit. Herën e parë u shqiptohet vërejtje me gojë, me rastn e “shkeljes” së dytë lajmërohen prindërit me shkrim. Ndërsa në rast se nxënësi kapet duke gabuar tri herë me radhë, ai dënohet me ndjekjen e një kursi të gjermanishtes prej 10 leksionesh. Çmimi i kursit është 550 franga dhe atë do ta paguajë vet nxënësi!
Kryetarja Bartholdi është e vetëdishme se një vendim i tillë është delikat dhe madje e pranon se është diku në «zonën gri» të drejtësisë, përcjell albinfo.ch. Por, arsyeton ajo, «nëse do të lejonim që në fund të jenë nxënësit zviceranë ata që duhet të përshtaten (të adaptohen me gjuhët e huaja shumicë) atëherë shkolla do ta humbiste funksonin e saj integrues”.
Të tjera nga Integrimi
E-Diaspora
-
Një mbrëmje plot risi dhe frymëzim Ngjarja në Google Cyrih ishte një moment historik në misionin e swissalbs për të promovuar dhe...
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
-
Itali: Shqiptari e godet 8 herë me thikë ish-pronaren e hotelit ku punonte
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore