Ngritje e nivelit të korrupsionit në Zvicër

Baza për rritjen e perceptimit se Zvicra ka një shtim korrupsioni, sipas Trasparency International Schweiz është publikimi i disa aferave korruptive në sferën publike etj.

Edhe pse ende në një nivel të ulët, korrupsioni në Zvicër megjithatë ka treguar shenja të ngritjes. Sipas ranglistës që ka bërë organizata Transparency International, Zvicra në vitin që shkoi, ka zënë vendin e shtatë në botë për shkalla e ulët e korrupsionit. Ndërsa një vit më parë, ajo ishte e pesta në këtë listë, që i bie se ka një rritje të caktuar të këij fenomeni edhe në Zvicër.

Baza për rritjen e perceptimit se Zvicra ka një shtim korrupsioni, sipas Trasparency International Schweiz është publikimi i disa aferave korruptive në sferën publike. Zvicra është po ashtu e përfshirë në një skandal ndërkombëtar të korrupsionit, thotë TIS.

Ranglista është realizuar duke pasur për bazë «CPI»-në gjegjësisht perceptimin e korrupsionit në shoqëri dhe janë analizuar të dhënat nga 168 vende të botës.

Shteti me më së paku korrpsion në botë dhe që zë vendin e parë në këtë listë, rezulton të jetë për të dytën herë me radhë Danimarka. Pas saj vijnë: Finlanda, Suedia, Zelanda e Re, Holanda dhe Norvegjia e pas tyre, e shtata, Zvicra. Në dhjetëshen e parë janë edhe Singapuri, Kanadaja dhe Gjermania.

Nga ana tjetër, vendet me korrupsion më te madh ose që zënë vendet e fundit në ranglistë sipas CPI-së janë: Iraku, Libia, Angola, Sudani Jugor, Sudani, Afganistani, Korea e Veriut dhe në fund fare, Somalia.