Në Grindelwald të Zvicrës hapet festivali i skulpturave nga akulli

Grindelwald, zona e bukur e skive në Zvicër, do të jetë nikoqire e edicionit të 34-t të “World Snow Festival”.  Ngjarja është një festë e vërtetë e të bërit art me skulptura nga akulli dhe si gjithmonë tërheq artistë ndërkombëtarë.

Këtë vit ky aktivitet do të mbahet nga 18 deri më 23 janar 2016.

Tema që artistët do të trajtojnë quhet “Harmoni”.

“World Snow Festival” është hapur më 1983, si një nga ngjarjet më të rëndësishme të sezonit të dimrit.
Në mes të janarit rrugët qendrore të vendit janë të stolisura me skulptura të mëdha prej akulli.

Rreth 30 vjet më parë është ngritur skulptura e Heidi-t, vepër e realizuar nga një ekip i artistëve japonezë.