26 për qind e firmave zvicerane kanë probleme

Frangu i fortë ka ndikuar që industria zvicerane edhe një vit pas heqjes së kufizimit minimal kundrejt euros të mos „këndellet“. 26 për qind e kompanive kanë vlerësuar gjendjen e tyre si të keqe.

Pikërisht një vit më parë Banka Nacionale e Zvicrës (SNB) ka befasuar të gjithë. Më 15 janar 2015 Banka Nacionale e Zvicrës ka hequr kufizimet e frangut ndaj euros.

Edhe pse shumë kompani janë përgjigjur një vit më parë menjëherë me një sërë masash, sipas një studimi, 40 për qind e ndërmarrjeve industriale kanë balancuar çmimet e tyre, edhe shpenzimet i kanë ulur në treg, investimet e planifikuara i kanë shtyrë dhe kanë reduktuar stafin.

Megjithatë, në shumë kompani këta hapa duken të jenë të pamjaftueshëm. Sipas një studimi, një në pesë kompani efekti i masave të zbatuara thuhet të mos ketë dhënë rezultate të duhura.