Shkurt.ch

SVP/UDC, me referendum, kundër reformës së azilit

E enjte, 14 Janar 2016 - 18:02 albinfo.ch

Partia e djathtë zvicerane SVP/UDC ka ndërmend që përmes një referendumi të kundërshtojë reformën e azilit. Sipas deklarimeve që vijnë nga kjo parti, tashmë janë grumbulluar 65 mijë nënshkrime të cilat janë deponuar në Kancelarinë Federale kompetente për këtë procedurë.

Ligji për reformën e azilit parasheh që procedurat të mos zgjasin më shumë se 140 ditë, njofton srf.ch. Po ashtu që azilkërkuesit të te marrin mbështetje juridike pa pagesë dhe që gjatë gjithë procedurës të qëndrojnë në qendrat federale.

Ajo që kërkon SVP/UDC-ja është që azilkërkuesit të mos kenë të drejtë për avokat pa pagesë, transmeton albinfo.ch. Sepse, sipas saj kjo do ta bënte Zvicrën një vend edhe më atraktiv për të kërkuar azil.