Zvicra, 3% më pak eksport gjatë nëntorit

Rënie veçanërisht të madhe kanë pësuar eksportet e industrisë së orëve dhe të makinave

Ekonomia e Zvicrës gjatë muajit nëntor 2015 ka eksportuar për 3 për qind më pak mallra se në muajin e njëjtë të një viti më parë. Siç e tregojnë të dhënat statistikore të tregtisë së jashtme të Zvicrës, rënie veçanërisht të ndjeshme kanë pësuar eksportet e industrisë së orëve dhe të makinave, bën të ditur srf.ch.
Nga ana tjetër, importet gjatë nëntorit kanë shënuar rritje prej 1.4 për qind në krahasim me nëntorin e vitit 2014, duke arritur shifrën pej 18 miliardë frangash.
Ndër degët e ekonomisë që kanë shënuar rritje të eksportit janë industria kimike dhe ajo farmaceutike. Po ashtu industria ushqimore, ajo e pijeve pastaj industria e bizhuterisë dhe e stolive. Ndërsa rënie e eksporteve është regjistruar në industrine metalurgjike.