Integrimi
Dy personazhe reale shqiptare në skenën e teatrit zviceran
Politikania e njohur si ish kryeparlamentarja e parë me prejardhje të huaj e Kantonit të Lucernit, Ylfete Fanaj dhe këngëtarja e njohur e rapit, Loredana Zefi.
Skena e teatrit “Kleintheater” të Lucernit, të hënën mbrëma ishte në “zotërim” të dy grave të njohura shqiptarozvicerane: politikanes së njohur si ish kryeparlamentarja e parë me prejardhje të huaj e Kantonit të Lucernit, Ylfete Fanaj dhe këngëtares së njohur të rapit, Loredana Zefi.
Dy zonjat e përmendura përfaqësojnë dy profile skajshmërisht të ndryshme mes vete, prandaj dhe bërja bashkë e tyre në një skenë, me dialogë fiktivë përbën një sfidë për Jeton Nezirajn, autorin e tekstit të shfaqjes “King Lori #Instagration” që u dha më 7 shkurt, si premierë në Lucern, shkruan albinfo.ch.
Ajo që i bashkon Ylfeten dhe Loredanën është prejardhja e tyre shqiptare nga Kosova dhe njëherësh vendi ku ato jetojnë dhe janë socializuar, Kantoni i Lucernit.
“Foto: Mali Lazel)
Premiera “King Lori#Instagration” ka hapur njëherësh festivalin “Unfrisiert Festival” (Në përkthim të lirë “Festival i paqethur” 🙂 ) që mbahet në Lucern.
Në këtë shfaqje jokonvencionale janë përfshirë grupi zviceran-kosovar me Jeton Nezirajn si autor dhe Katharina Cromme si regjisore. Bëhet fjalë për një bashkëprodhim në mes të “Kleintheater Luzern”, Institutit të Cyrihut për Artet në Lëvizje dhe Qendrës Multimedia Prishtina.
(Foto: Mali Lazel
Ideja që përshkon shfaqjen është integrimi i të huajve, respektivisht sfidat dhe keqkuptimet që karakterizojnë një proces të tillë, kur bëhet fjalë për shqiptarët dhe Zvicrën.
Në një skenografi të pangarkuar – që përbëhet vetëm nga një smartfon mbidimensional – zhvillohet veprimi i gjithë shfaqjes, gjegjësisht i dy aktoreve që bartin gjithë barrën e saj, Susanne Abelein dhe Marie Gesien.
Abelein në rolin e Ylfete Fanajt mishëron figurën e një politikaneje tipike, të përgjegjëshme zvicerane, e cila, megjithatë ndesh në kufijtë e saj si person me prejardhje të huaj dhe si grua politikane.
(Foto: Albinfo.ch)
Në përgjithësi, shfaqja kryen misioin e saj, atë të sfidimit të temës së integrimit dhe të paragjykimeve e klisheve, duke u shërbyer njëkohësisht me klishe, të ngjyrosura tashmë me humor dhe vetironi.
(Fotot: Mali Lazel)
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri