4.244 milionë të punësuar në Zvicër

Pavarësisht  “Frangut të fortë”, punësimi në Zvicër është rritur në tremujorin e dytë të 2015-ës. Numri i të punësuarve është rritur në krahasim me tremujorin e parë për 0.4%. Nga viti në vit, rritja arrin në 1.2%, në 4.244 milionë të punësuar. Gjithashtu edhe numri i të punësuarve me orar të plotë ka rezultuar me një rritje (+ 1.1%), njofton Zyra Federale Zvicerane e Statistikave (BFS), transmeton albinfo.ch.

Megjithatë, vetëm sektori i shërbimeve ka shënuar rritje (+ 1.6% në terma vjetore), ndërsa industria ka një prirje të lehtë në rënie (-0.1%). Po në industri janë raportuar të jenë gumbur 2.000 vende pune.

Nga ana tjetër, numri i vendeve të lira është ulur me 8.3% në krahasim me vitin e kaluar. Dhe pritjet flasin për një rënie të punësimit në të ardhmen (-1.4%). Megjithatë, sipas BFS, pritet që punësimi në tremujorin e tretë të vazhdojë të rritet, edhe pse më ngadalë se në vitin e kaluar.