300 mijë dollarë për albumin e Beatles-ve

E veçanta është se albumi e ka nënshkrimet e të katër pjesëtarëve të “Beatles”

Një ekzemplar i veçantë i albumit “Sgt.Pepper”s Lonely Hearts Club Band” të bendit “Beatles” është shitur në një ankand në SHBA për 295000 dollarë, që është çmim rekord për një album. E veçanta është se albumi e ka nënshkrimet e të katër pjesëtarëve të “Beatles”.

Shumën rekorde në shtëpinë e ankandeve Heritage Auctions të Dallasit, SHBA, e ka ofruar një person i panjohur nga një shtet perëndimor i SHBA-së, raporton revista profesionale “The Hollywood Reporter”. Supozohet se albumi është nënshkruar po atë vit kur edhe është edituar, d.m.th në vitin 1967.

Çmimi më i lartë i paguar për një album të Beatles deri në rastin e fundit ka qenë ao prej 150 mijë dollarësh, që është paguar për një ekzemplar të “Meet the Beatles”.