27 kërcënime me bombë në Austri, i dyshuari është shtetas zviceran

@unsplash

Pas disa kërcënimeve me bombë në Austri, autoritetet identifikuan të dyshuarin që është shtetas zviceran.

Sipas Ministrisë së Brendshme të Austrisë ndaj 20-vjeçarit është lëshuar një urdhër arrest. Ai aktualisht në Zvicër dhe ndaj tij organet e drejtësisë kanë lëshuar një urdhër arresti evropian.

Që nga fundi i shtatorit, autoritetet e sigurisë kanë marrë 27 emaile anonime që përmbajnë kërcënime kundër stacioneve të trenave, shkollave dhe qendrave tregtare në qytetet austriake, duke përfshirë Salzburgun pranë kufirit bavarez dhe Bregenz në liqenin e Konstancës. Mesazhet shkaktuan operacione të mëdha policore dhe mbyllje të trafikut. Megjithatë, nuk u gjet asnjë mjet shpërthyes.

Autori përdorte gjithmonë të njëjtën qasje gjatë kërcënimeve, policia në shtetin përkatës federal mori një kërcënim se ishin vendosur mjete shpërthyese. Njoftimet dërgoheshin gjithmonë me email. Motivi i mundshëm i të dyshuarit është ende i paqartë, tha një zëdhënës i ministrisë për agjencinë gjermane të shtypit.

Në Austri, Zyra për Mbrojtjen e Kushtetutës (DSN) po kryen hetimin. Autoritetet zvicerane të sigurisë dhe gjyqësorit janë gjithashtu të përfshira. Mund të duhen disa javë para se të ekzekutohet urdhri i arrestit, u tha në Vjenë.

I riu, i cili thuhet se vjen nga kantoni St. Gallen, me sa duket është i sëmurë mendor. Sipas “Kronen Zeitung”, ai mësohet se ka qenë tashmë disa herë në trajtim.

Ai kishte bërë bujë në Austri më 22 maj, kur thirri një stacion policie në Linz dhe kërcënoi.

“Për pesë minuta e gjithë ndërtesa do të shpërthejë”, kishte thënë ai. 200 persona – kryesisht nëpunës civilë, por edhe personel administrativ – u desh të evakuonin menjëherë ndërtesën.

Siç mësohet, 20-vjeçari kishte telefonuar nga klinika ku po kurohej./20minuten