20 vjet më pas dënohet kurdi për vrasjen e shqiptarit

Ngjarja kishte ndodhur në gusht të vitit 1997 kur Mesut Y., atëherë në moshën 17-vjeçare kishte hyrë në një lokal dhe kishte sulmuar shqiptarët, duke vrarë njërin 22-vjeçar dhe plagosi një tjetër 19-vjeçar

Një kurd 37-vjeçar është dënuar me katër vjet e tre muaj burg, pasi kishte vrarë një shqiptar dhe kishte plagosur një tjetër, shkruan ‘noz.de’.

Ngjarja kishte ndodhur në gusht të vitit 1997 kur Mesut Y., atëherë në moshën 17-vjeçare kishte hyrë në një lokal dhe kishte sulmuar shqiptarët, duke vrarë njërin 22-vjeçar dhe plagosi një tjetër 19-vjeçar.

Sipas mediave gjermane shkas për të ishte lufta për territore në mes shqiptarëve dhe kurdëve në Hanover të Gjermanisë. Lufta ishte për pushtet se kush do ta mbajë primatin mbi prostitucionin dhe drogën.

Ai u shpall i fajshëm për “vrasje” dhe “vrasje të mbetur në tentativë” me katër vjet e tre muaj burgim. Ai u arrestua në fund të vitit 2015 në Bullgari për drogë dhe u ekstradua. Bashkëpunëtorët e tij janë akoma në kërkim. Mesuti është dërguar në burgun e Berlinit.