Tri medalje për mundësit shqiptarë në Taranto, Begaj përgëzon ekipin kuqezi

Ekipi shqiptar i mundjes ka dhuruar një paraqitje të suksesshme në Lojërat Mesdhetare “Taranto 2026”, duke siguruar tri medalje.

Islam Dudaev u ngjit në shkallën më të lartë të podiumit, duke fituar medaljen e artë dhe titullin e kampionit. Zelimkhan Abakarov triumfoi me medalje argjendi, ndërsa Ardit Zeneli i shtoi Shqipërisë një medalje bronzi.

Rezultatet e sportistëve shqiptarë janë përshëndetur edhe nga Presidenti Bajram Begaj, i cili ka uruar ekipin për paraqitjen e tij në këtë aktivitet të rëndësishëm sportiv.

“Shumë urime për ekipin tonë të mundjes për rezultatet entuziaste në Lojërat Mesdhetare të Tarantos! Suksese!”, shkroi Begaj në rrjetet sociale.

Me këto rezultate, mundësit kuqezi kanë kontribuar në përfaqësimin dinjitoz të Shqipërisë në Lojërat Mesdhetare.