KQZ: Deri në ora 11:00 votuan 160 mijë qytetarë

KQZ ka bërë thirrje që të gjithë qytetarët me të drejtë vote ta shfrytëzojnë të drejtën e tyre kushtetuese dhe të marrin pjesë në votime

Duke u mbështetur në të dhënat preliminare të KQZ-së nga më shumë se 97% e vendvotimeve, numri i qytetarëve që kanë votuar deri në orën 11:00 është 162,439 votues apo 8.29%.

Kryesuesi i Komisionit Qendror të Zgjedhjeve, Kreshnik Radoniqi, ka thënë se procesi po vazhdon pa probleme.

“Procesi i votimit po zhvillohet sipas planifikimeve. Sipas të dhënave nga komisionet komunale, deri tash votimi po zhvillohet në kushte të rregullta dhe pa probleme”, ka thënë ai në konferencën e orën 11:30, transmeton albinfo.ch.

Në të njëjtën kohë në zgjedhjet e 28 dhjetorit patën votuar 8.27 për qind.

---