Jeta në Zvicër
Zyra Federale për Migracion avancohet në Sekretariat Shtetëror
Vendimi i marrë sot nga Qeveria e vendit ka qenë i nevojshëm pasi që tema e migracionit në vitet e fundit ka fituar në peshë si në politikën e brendshme ashtu dhe në të jashtmen
Këshilli Federal ka vendosur sot që Zyra Federale për Migracion (BFM/ODM) të shndërrohet në Sekretariat Shtetëror për Migracion. Lidhur me këtë vendim edhe drejtori i sotëm i BFM emërohet sekretar shtetëror. Ky ndryshim është reflektim i rritjes së rëndësisë dhe të vëllimit të detyrave që ka BFM. Ndryshimi mundëson që drejtori i deritashëm respektivisht sekretari i ardhshëm Mario Gattiker t`i ushtrojë në mënyrë më optimale funksionet e tij të politikës së jashtme.
Vendimi i marrë sot nga Qeveria e vendit ka qenë i nevojshëm pasi që tema e migracionit në vitet e fundit ka fituar në peshë si në politikën e brendshme ashtu dhe në të jashtmen. BFM sot ka përgjegjësinë më të lartë për negociatat ndërkombëtare në fushën e migracionit. Këtu përfshihen edhe negociatat lidhur me lëvizjen e lirë dhe lidhjen e marrëveshjeve të fushës ndërkombëtare që i merr si detyrë nga Këshilli Federal. Duke pasur një sekretariat si mbështetje, drejtori i sotëm i BFM-së Mario Gattiker mund të takojë në nivel të njëjtë përfaqësuesit e shteteve tjera dhe të përfaqësojë më mirë pozicionin e Zvicrës.
Gattiker do të kalojë në pozitën e re nga 1 janari 2015, thuhet në komunikatën për shtyp të EJPD (Departamenti për Drejteüsi dhe Polici).
Sekretari i emëruar rishtas nuk do të ketë kompetenca më të mëdha se sa kolegët e tij në EJPD dhe në departamentet tjera të shtetit.
Organizimi dhe struktura e BFM-së së sotme mbeten të pandryshuara ashtu si dhe funksionet e të punësuarve të tjerë në këtë zyrë. Avancimi në sekretariat i zyrës së deritashme nuk do te ketë ndikim as në raport me kantonet, thuhet në fund të komunikatës.
Të tjera nga Jeta në Zvicër
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?