Lajme

Zvicra U21 me katër shqiptarë në Kampionatin Evropian

Katër futbollistë shqiptarë janë ftuar nga Zvicra U21 për Kampionatin Evropian. Evropiani për grupmoshën U21 mbahet prej 21 qershorit deri më 8 korrik në Rumani dhe Gjeorgji. Përmes Evropianit, Zvicra synon të sigurojë biletën për Lojërat Olimpike të vitit të ardhshëm, shkruan koha.net.

Kastriot Imeri, Ardon Jashari, Bledian Krasniqi dhe Amir Shaipi janë futbollistët shqiptarë që janë ftuar nga Zvicra U21. Të gjithë të rëndësishëm në Superligën helvetike, përcjellë albinfo.ch.

Zvicra është në grupin D së bashku me Norvegjinë, Francën e Italinë.