Tematike
Zvicra promovon transparencën dhe demokracinë lokale në Kosovë
Zvicra është duke promovuar "qeverisjen e mirë" në rreth 50 vende. DEZA (SDC) ka shënuar një bilanc pozitiv, të cilin e ka prezantuar sot në konferencën e saj vjetore me media
Zvicra ka përmbushur qëllimet e vendosura për periudhën 2017-2020, ka thënë Manuel Sager, Drejtor i Drejtorisë për Zhvillim dhe Bashkëpunim (DEZA), të martën para mediave në Bernë. Objektivat parashikonin që DEZA të promovojë më shumë pjesëmarrjen e publikut dhe administrimin më transparent në vendet që ajo i ka prioritet, thuhet në një njoftim për emdis të kësaj organizate.
Ndër synimet e DEZA-s kanë qenë të promovojë proceset demokratike dhe të përmirësojë shërbimet publike, transmeton albinfo.ch. Në total, 54 për qind e fondeve kanë shkuar për projekte që mbështesin qeverisjen e mirë. Në total, 818 milion CHF janë investuar në zgjerimin dhe përmirësimin e institucioneve shtetërore në vendet e synuara.
Ukraina është një shembull në këtë drejtim: mjetet elektronike që janë financuar nga DEZA kanë për qëllim të bëjnë më të lehtë për qytetarët qasjen në administratë e cila, për shkak të korrupsionit të përhapur, gëzon fare pak besim tek popullata, përcjell albinfo.ch. Në këtë kontekst janë mbështetur: një agjenci qeveritare, organizata të shoqërisë civile, media lokale dhe kompani private. Dhe kjo është kurorëzuar me sukses: Në vend të 40,000 përdoruesve të parashikuar, me aparaturën “e-demokraci” të instaluar me paratë zvicerane tashmë ka 885,000 përdorues.
Një pikë tjetër ku është fokusuar DEZA është Fondacioni “Hirondelle”, i cili mbështet “gazetarinë e përgjegjshme”, veçanërisht në Afrikë. Në Benin, paratë zvicerane janë derdhur për të ndihmuar avancimin e grave, duke promovuar kandidaturat e grave në zgjedhje. DEZA vë në dukje se si rezultat i kësaj tashmë disa gra janë zgjedhur kryetare bashkish dhe kryetare qarku.
Në Kosovë, ku DEZA është aktive prej një kohe të gjatë, ajo ka bërë fushatë që komunat të mbledhin më shumë taksa. Në këtë mënyrë është arritur të përmirësohet infrastruktura, transmeton albinfo.ch. Autonomia dhe demokracia lokale në Kosovë janë mbështetur në kuadër të projekteve të DEZA-s në 38 komuna të vendit.
Të ngjashme
Të tjera nga Tematike
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë