Lajme
Zvicra pezullon lehtësimin e vizave për Rusinë
Në vitin 2009 Zvicra dhe Federata Ruse kanë nënshkruar një marrëveshje për të lehtësuar lëshimin e vizave për shtetasit e tyre
Në mbledhjen e 16 shtatorit 2022, Këshilli Federal pezulloi plotësisht marrëveshjen për lehtësimin e vizave me Rusinë, transmeton albinfo.ch. Kështu, për shtetasit rusë do të zbatohet sërish procedura e rregullt e vizave, pa lehtësime, thuhet në njoftimin zyrtar të lëshuar sot nga Këshilli Federal i Zvicrës.
Duke bërë këtë veprim, Këshilli Federal merr të njëjtin vendim si Bashkimi Evropian dhe në këtë mënyrë kontribuon në një politikë uniforme të vizave në mbarë Evropën.
Në një kohë që agresioni i paligjshëm i Rusisë kundër Ukrainës vazhdon, Bashkimi Evropian (BE) ka vendosur më 9 shtator 2022 të pezullojë plotësisht marrëveshjen e tij për lehtësimin e vizave me Rusinë.
Që në pranverë, Zvicra pati hequr lehtësimin e vizave për grupe të caktuara njerëzish, si biznesmenët rusë, dhe heqjen e vizave për diplomatët rusë. Edhe këtu Këshilli Federal ka ndjekur një vendim të BE-së.
Është në interesin e Zvicrës të mbështesë një politikë të përbashkët dhe të harmonizuar evropiane të vizave. Përndryshe, lëvizjet evazive mund të çojnë në një rritje të konsiderueshme të aplikimeve për viza nga shtetasit rusë në përfaqësitë zvicerane, shkruan më tutje Këshilli Federal.
Ndikimi i pezullimit
Në vitin 2009 Zvicra dhe Federata Ruse kanë nënshkruar një marrëveshje për të lehtësuar lëshimin e vizave për shtetasit e tyre. Me këtë marrëveshje është thjeshtuar procedura e dhënies së vizave për grupe të caktuara njerëzish dhe për qëllime udhëtimi dhe tarifat e vizave janë ulur ose eliminuar. Këshilli Federal tani ka vendosur të pezullojë plotësisht marrëveshjen.
Megjithatë, kjo nuk do të thotë një ngrirje e përgjithshme e vizave për shtetasit rusë. Në vend të kësaj, procedurat e vizave për shtetasit rusë bazohen përsëri në rregullat e zakonshme të Kodit të Vizave.
Të ngjashme
Opinione tjera
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte