Lajme
Zvicra do t`ua zvogëlojë ndihmat sociale të huajve jashtë BE-së
Arsyeja për këtë qëndrim të Këshillit Federal, është, sipas komunikatës së tij, rritja e kostos së ndihmës sociale për kantonet dhe komunat
Duke qenë se Këshilli Federal synon të ulë normën e ndihmës sociale midis të huajve që vijnë nga jashtë BE-së dhe EFTA-s, ai ka paraqitur dy amendamente legjislative për konsultim. Ndër të tjera, për shtetasit e vendeve të treta do të futet mbështetje më e ulët në tri vitet e para pasi të kenë marrë lejen e qëndrimit të shkurtër (B) ashtu si dhe lejen e përhershme (C), transmeton albinfo.ch.
Gjithashtu, sipas qeverisë së vendit duhet të rriten stimujt për ata të huaj nga kjo kategori të cilët vendosin të bëjnë një kualifikim profesional. Kjo është bërë e ditur nga qeveria e shtetit, pas mbledhjes së saj të mbajgtur të mërkurën (sot).
Kualifikimi në fjalë duhet të përfshihet në rregulloren për “rastet e rënda”, shkruan srf.ch. Edhe sipas gjendjes së sotme të huajt që punësohen mund të marrin leje qëndrimi si pjesë e rregullores së rasteve të rënda. Ndërsa sipas propozimit të Këshillit Federal, e njëjta gjë do të vlejë në të ardhmen për personat që kryejnë me sukses një stazh praktik (kualifikim praktik).
Qeveria e shtetit dëshiron gjithashtu të plotësojë kriteret e integrimit në Ligjin për të huajtë dhe integrimin: Kur jepet një leje qëndrimi, për shembull, tani do të merret gjithashtu parasysh edhe shkalla në të cilën i huaji/e huaja promovon integrimin e fëmijëve, gruas ose burrit.
Këshilli Federal synon t’i përmbahet rregullores së mëparshme për rastet e heqjes së lejeve të qëndrimit për të huajt, transmeton albinfo.ch. Fillimisht, është zhvilluar edhe një debat për uljen e pragut për të bërë një gjë të tillë.
Ky projektligj vjen si rezultat i një postulati të Komisionit Politik Shtetëror të Dhomës së Kantoneve. Që nga mesi i janarit të vitit 2020, Këshilli Federal kishte vendosur për marrjen e disa masave për të cilat nuk është i nevojshëm ndryshimi i ligjit. Fokusi ishte kryesisht në rrjedhën e integrimit.
Konsultimi zgjat deri më 3 mars.
Arsyeja për këtë qëndrim të Këshillit Federal, është, sipas komunikatës së tij, rritja e kostos së ndihmës sociale për kantonet dhe komunat, përcjell albinfo.ch. Sipas qeverisë, këto shpenzime, midis 2010 dhe 2019 janë rritur për pothuajse 900 milionë franga në 2.8 miliardë franga.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Austri
-
“Haushaltsversicherung”: Si funksionon sigurimi i shtëpisë në Austri? “Haushaltsversicherung” është një nga llojet më të njohura të sigurimeve në Austri. Nuk është e detyrueshme,...
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme