Lajme
Zvicër: Rrufeja shkakton zjarre me dëme prej miliona frangash
Në të gjithë Zvicrën, çdo i treti dëmtim i ndërtesave shkaktohet nga rrufeja, sipas Qendrës Këshilluese për Parandalimin e Zjarrit
Në Oberweningen në kantonin e Cyrihut, zjarri në një punishte zdrukthtarie ka shkaktuar miliona franga dëme të premten vonë në mbrëmje. Zjarri ishte aq i madh sa u desh të evakuoheshin shtëpitë përreth, transmeton albinfo.ch. Po ashtu në Elfingen, në kantonin Aargau, një zjarr në orët e para të mëngjesit shkatërroi plotësisht një hambar të vjetër.
Puna e shuarjes u vështirësua edhe më shumë nga mungesa e ujit, shkruan 20minuten.ch. “U desh të shfrytëzoheshin burimet e ujit nga komunat përreth”, thotë zëdhënësi i policisë kantonale të Aargaut. Po ashtu në Wilchingen, në kantonin e Schaffhausenit, është djegur një papafingo e një shtëpie.
Askush nuk ka pësuar lëndime në asnjërin nga zjarret. Dhe të paktën njëri nga këto zjarre dyshohet se është shkaktuar nga një goditje rrufeje. Një skaut lajmesh nga Oberweningen raporton se ai ka parë vetëtima të ndjekura nga bubullima. Sirenat janë dëgjuar pak minuta më vonë, përcjell albinfo.ch. Me të mbërritur forcat e zjarrfikësve, ndërtesa tregtare në të cilën ndodhej punëtoria e zdrukthtarisë është përfshirë plotësisht nga flakët.
Në gjithë Zvicrën, çdo i treti dëmtim i ndërtesave shkaktohet nga rrufeja, sipas Qendrës Këshilluese për Parandalimin e Zjarrit. Kur rrufeja godet, një sasi e madhe energjie lirohet brenda fraksioneve të sekondës. Në këto raste janë matur temperaturat deri në 30,000 gradë Celsius, paralajmëron BFB. “Nëse rrufeja godet një ndërtesë të pambrojtur, kjo mund të çojë menjëherë në zjarr”.
Policia kantonale e Cyrihut gjithashtu nuk përjashton goditjen nga rrufeja si shkak i zjarrit të madh në Oberweningen. Shërbimi hetimor i zjarrit i policisë kantonale të Cyrihut tani është duke hetuar këtë çështje. E njëjta gjë vlen edhe për zjarrin në papafingo në Wilchingen në kantonin e Schaffhausenit.
Shkaku i zjarrit tani po zbardhet nga specialistët e teknologjisë ligjore të policisë së Schaffhausen.
Në rastin e zjarrit në fermën në Elfingen në Aargau, policia kantonale po supozon një tjetër shkak, thotë zëdhënësi, Dominic Zimmerli. Një “shkak i brendshëm” është në krye të hetimit të zjarrit.
Të ngjashme
Të tjera nga Lajme
E-Diaspora
-
Adem Dalipi vendos shallin me shqiponjë në diplomimin e tij në Amerikë Adem Dalipi, me prejardhje shqiptare, ka diplomuar në Northern Illionis, duke treguar me krenari se është...
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun